NBC YADHAMINI UTOAJI TUZO ZA MAKAMPUNI BORA 100

Naibu Waziri wa Viwanda na Biashara, Lazaroi Nyalandu (kushoto)

akishikana mikono na Mkurugenzi Mtendaji wa Benki ya NBC, Lawrence

Mafuru katika  hafla ya utoaji tuzo za kampuni Bora 100 za kati

zilizoandaliwa na MCL na Kampuni ya Ushauri na Ukaguzi ya KPMG jijini

Dar es Salaam mwishoni mwa wiki. NBC ilikuwa mdhamini mkuu wa tuzo

hizo.

Mkurugenzi Mtendaji wa Benki ya NBC, Lawrence Mafuru (kushoto)
akikabidhi tuzo kwa Hadija Mdoe ambaye kampuni yao ya Efam Ltd
iliibuka washindi wa tano  katika hafla ya utoaji tuzo za kampuni Bora
100 za kati zilizoandaliwa na MCL na Kampuni ya Ushauri na Ukaguzi ya
KPMG jijini Dar es Salaam mwishoni mwa wiki. NBC ilikuwa mdhamini mkuu
wa tuzo hizo. Kulia ni John Ihagula pia kutoka Efam.

Naibu Waziri wa Viwanda na Biashara, Lazaro Nyalandu  akimpongeza
John  Bula wa kampuni ya ujenzi ya  BQ Contractors baada ya kuibuka
washindi wa kwanza wa Tuzo za Makampuni Bora 100 ya Kati
zilizoandaliwa na MCL na Kampuni ya Ushauri na Ukaguzi ya KPMG jijini
Dar es Salaam mwishoni mwa wiki. NBC ilikuwa mdhamini mkuu wa tuzo
hizo. Kulia ni mke wa Bula, Sheila Bula.

Baadhi ya waalikwa katika hafla ya utoaji tuzo za kampuni Bora 100
za kati zilizoandaliwa na MCL na Kampuni ya Ushauri na Ukaguzi ya KPMG
jijini Dar es Salaam mwishoni mwa wiki. NBC ilikuwa mdhamini mkuu wa
tuzo hizo.

Ni wakati wa kuishambulia sakafu mara baada ya washindi wa tuzo za
makampuni 100 bora ya kati kukabidhiwa tuzo zao katika ukumbi wa
Mlimani City jijini Dar es Salaam mwishoni mwa juma. Kulia ni
Mkurugenzi Mtendaji wa NBC, Lawrence Mafuru ambaye benki yake ilikuwa
mdhamini wa tuzo hizo.

 

Kikundi cha sanaa cha Tanzania House of Talent (THT) kikitoa
burudani  katika hafla ya utoaji tuzo za kampuni Bora 100 za kati
zilizoandaliwa na MCL na Kampuni ya Ushauri na Ukaguzi ya KPMG jijini
Dar es Salaam mwishoni mwa wiki. NBC ilikuwa mdhamini mkuu wa tuzo
hizo.

MKURUGENZI Mtendaji wa Benki ya NBC Lawrence Mafuru amesema wafanyabiashara wana mchango mkubwa katika maendeleo ya uchumi wa Tanzania.

Akizungumza kwenye sherehe za kukabidhi tuzo kwa makampuni 100 ya kati nchini mwishoni mwa wiki iliyopita, Mafuru alisema ni vyema watu wakautambua umuhimu wa uwapo wa wafanyabiashara hao.

“Ninawapongeza sana kwa kutimiza ipasavyo kazi yenu muhimu kwa uchumi wetu ya kupeleka huduma zinazotakiwa kule zinakohitajika. Nyie wote mliopo hapa, bila kujali mmepata namba gani kati ya 100, ni washindi na mnastahili pongezi,” alisema.

Alisema tuzo hizo za kwanza za aina yake kutolewa nchini ni changamoto kubwa kwa wafanyakazi nchini.

NBC walikuwa wadhamini wa tuzo hizo zilizoandaliwa na Kampuni ya Mwananchi kupitia gazeti la the Citizen kwa kushirikiana na kampuni ya KPMG.

Kuhusu udhamini huo, Mafuru alisema ilimchukua dakika tatu tu kukubali kuingia kwenye tuzo hizi baada ya kufuatwa na uongozi wa Mwananchi kwani alifahamu umuhimu wake.

Mgeni rasmi kwenye hafla hiyo, Naibu Waziri wa Viwanda na Biashara, Lazaro Nyalandu alisema lengo la Serikali ni kuwaona wafanyabiashara wa kati waking’ara na kutoa huduma stahiki kwa wananchi.

Alitoa changamoto kwa wafanyabishara hao kuongeza nafasi za ajira kwa kuanzisha viwanda na shughulu zitakazokuwa zikifanyika kwa siku nzima.

“Hapa Tanzania, giza likiingia tu, kila kitu kinasimama. Hatuwezi kuendelea kwa namna hii. Ni lazima sasa tuanze kufanya kazi kwa saa 24,” alisema Nyalandu.

NBC ilitoa mchango mkubwa katika kufanikisha uandaaji na hatimaye utoaji wa tuzo hizo zilizotokana na utafiti uliofanywa na KPMG kuanzia Januari mwaka huu.

Tayari tuzo kama hizo zimekwishatolewa huko Uganda na Kenya na mwakani zitatolewa kwa makampuni mengine 100 ya Rwanda.

“Ni wafanyabiashara hawa ambao wameweka mabegani mwao uchumi wa watu zaidi ya milioni 140 wanaoishi Afrika Mashariki. Leo ni siku ya kufurahi pamoja na makampuni na wafanyabiashara hawa,” alisema ofisa mmoja kutoka Mwananchi Communication.

Jumla ya makampuni 54,000 yaliyosajiliwa na Wakala wa Usajili wa Leseni na Makampuni (BRELA) yalihusishwa katika utafiti wa kuyapata makampuni 100 bora.

Sherehe hizo zilihudhuriwa pia na Balozi wa Rwanda na Kenya  nchini.