YANGA YATOKA SARE YA BAO 1-1 NA COASTAL UNION YA TANGA

 

Nizar Khalfan akitafuta mbinu za kuwatoka wachezaji wa Coastal Union ya Tanga.

 

MABINGWA wa Ligi Kuu ya Vodacom Tanzania Bara, Yanga SC leo wameshindwa kuwapa zawadi ya ubingwa mashabiki wao, baada ya kulazimishwa sare ya kufungana bao 1-1 na Coastal Union ya Tanga kwenye Uwanja wa Taifa, Dar es Salaam.

Kwa sare hiyo, Yanga imefikisha pointi 57 baada ya kucheza mechi 25, wakati Coastal iliyocheza mechi sawa na hizo, imetimiza pointi 35 na inabaki nafasi ya sita. Katika mchezo huo, uliochezeshwa na refa Simon Mberwa kutoka Pwani, aliyesaidiwa na Said Mnonga na Charles Chambea wote wa Mtwara, hadi mapumziko timu hizo zilikuwa tayari zimekwishafungana bao 1-1. Yanga waliotwaa taji la Ligi Kuu wiki iliyopita, ndio waliokuwa wa kwanza kupata bao dakika ya 24, mfungaji Jerry Tegete. 
Bao hilo, halikudumu sana, kwani dakika ya 16, Abdi Banda aliisawazishia Coastal Union na kufanya dakika 45 za kipindi cha pili pia kiishe matokeo yakiwa 1-1.