TWANGA NA MSONDO KUFANYA ONYESHO LA KUMCHANGIA GURUMO

ASHA BARAKA MKURUGENZI WA KAMPUNI YA ASET.

Kampuni ya ASET inayomiliki bendi ya muziki ya AFRICAN STARS maarufu kama TWANGA PEPETA,Jumamosi hii itafanya onyesho maalum la kumsaidia mwanamuziki wa zamani MUHIDIN GURUMO anayesumbuliwa na maradhi ya figo.

 

Mmiliki wa bendi hiyo ASHA BARAKA amesema bendi yake itafanya onyesho la pamoja na bendi ya MSONDO NGOMA na fedha itakayopatikana atapewa nguli huyo wa muziki wa dansi hapa nchini.

Halikadhalika Mkurugenzi huyo wa ASET amesema amefikia uamuzi huo kutoa mchango kwa GURUMO ambaye alikuwa akimsaidia katika masuala mbalimbali ya muziki siku za nyuma.

MUHIDIN MAALIM GURUMO ambaye hivi sasa bado anaendelea na matibabu yake , hajapanda jukwaani kwa muda mrefu toka alipoanza kusumbuliwa na maradhi mwaka jana.