Timu ya Taifa ya Zanzibar jana iliwatandika Tamil Eelam bao 3-0 katika Mechi yao ya mwisho ya Kundi B na kufuzu kuingia Nusu Fainali ya KOMBE la DUNIA, rasmi kama VIVA 2012 ambayo ni mahsusi kwa wale ambao si Wanachama wa FIFA ambayo yalishirikisha Timu 9 zilizogawanywa Makundi matatu.
Katika Mechi yao ya kwanza, Zanzibar iliwachapa Raetia [Swiss] bao 6-0.
Nao Darfur, waliokuwa Kundi C, waliendelea na rekodi ya kubandikwa bao nyingi kwani walipigwa 15-0 na Northern Cyprus katika Mechi ya kwanza na kisha kuwashwa bao 18-0 na Provence .
Kwenye Nusu Fainali, Zanzibar watacheza na Northern Cyprus Ijumaa Juni 9 Uwanjani Duhok, Mjini Duhok huko Iraq-Kurdistan.
Nusu Fainali nyingine ni kati ya Wenyeji Iraq-Kurdistan na Provence [France] ambayo pia itachezwa Ijumaa.
Fainali ya Mashindano haya ni Jumamosi Juni 9 Uwanja wa Franso Hariri Mjini Arbil, Iraq-Kurdistan.
0 maoni:
Post a Comment