DAR ALL STARS USO KWA USO NA ZANZIBAR HEROES

 

Timu ya taifa ya zanzibar.

Timu ya soka ya DAR ALL STARS inatarajia kuingia uwanjani kuumana na timu ya taifa ya ZANZIBAR katika mchezo wa kirafiki utakaopigwa katika uwanja wa Uhuru jijini DSM NOVEMBA 21.

Mratibu wa mchezo huo XAVERY MHAGAMA amesema mchezo huo una lengo la kuipa mazoezi timu ya taifa ya ZANZIBAR ambayo inajiandaa  na michuano ya CHALLENGE kwa nchi za AFRIKA MASHARIKI na KATI.

Naye kocha wa timu hiyo JAMHURI KIHWELO ‘JULIO’ amesema mchezo huo utatazamwa na mawakala wa FIFA hivyo ni fursa kwa wachezaji kuonekana, ambapo pia nahodha wa timu hiyo MUSSA HASSAN MGOSI ameelezea kuwa mchezo huo ni njia mojawapo ya kuwapa mazoezi katika kipindi hiki ambacho michezo ya ligi kuu imesimama.

Kikosi hicho cha DAR ALL STARS ambacho pia yupo mshambuliaji HARUNA MOSHI BOBAN, kina jumla ya wachezaji ISHIRINI na NNE kutoka timu za SIMBA, YANGA, AFRIKAN LYON, AZAM FC, JKT RUVU  na MTIBWA ambapo timu hiyo itaingia kambini katika HOTEL ya LAMADA siku ya JUMATANO.