BONDIA THOMAS KUJIANDAA KWA PAMBANO LITAKALO FANYIKA OCT 14

Bondia Thomas mashali wa Tanzania na Mganda Medi Sebyala wanatarajiwa kupima uzito Jumamosi saa nne asubuhi katika ukumbi wa Friends Corner manzese tayari kwa mpambano wao utakaofanyika oktoba 14 Jijini Dar es salaam.

Akizungumza na waandishi wa habari Mratibu wa mpambano huo unaosimamiwa na oganaizesheni ya Ngumi za kulipwa nchini TPBO Regina Gwae alisema upimaji huo ndo hatua ya mwisho kuelekea kujua nani atanyakua ubingwa wa Afrika Mashariki na kati.

Alisema mbali na mabondia hao pia mabondia wa mapambano ya utangulizi ambapo Abdul Awilo atapambana na Shedrack Juma, selemani shaaban atapambana na Hamisi Mohamed Jonas Segu atapambana na Ibrahim Class wkati Charles mashali atapambana na Teacher Aron nao watapima.

Alisema maandalizo yote yamekamilika ikiwemo waamuzi wenye sifa za kuchezesha mapambano ya kimataifa wameshapatikana na majina yao yatatangazwa jumamosi.

Mgeni rasmi katika pambano hilo ni

Kamanda wa Polisi mkoa wa kipolisi wa Kinondoni Charles Kenyela ambaye anatarajiwa kuambatana na wageni wengine maalum wakiwemo wabunge.

Alisema anashukuru kwa ushirikiano wa viongozi katika maandalizi na hatimaye maandalizi yanaelekea ukingoni na pambanolinatarajiwa kuvuta hisia za watu wengi na wapenzi wa ngumi jijini Dar es Salaam.

Regina alishukuru kampuni ya Promasidor wasambazaji wa SOSSI Poa, Gazeti la Jambo leo,City Sports Lounge na Times Fm kwa kuwa bega kwa bega kuhakikisha pamnano hili linafanikiwa na kusema milango bado iko wazi kwa wadau kujitokeza kufanikisha mchezo huo ambao ni chanzo cha ajira kwa vijana.