BFT YASIFU USHIRIKI WA MIKOA KATIKA MASHINDANO YA NGUMI ZA RIDHAA

Shirikisho la ngumi za ridhaa nchini BFT, limesifu mwamko wa mikoa ya TANZANIA BARA katika kuleta mabondia kwa ajili ya michuano ya bingwa wa taifa inayoendelea katika uwanja wa ndani wa taifa jijini DSM

Katibu mkuu wa BFT, MAKORE MASHAGA amesema jumla ya mikoa ishirini na mbili inashiriki mashindano hayo hatua inayoleta matumaini ya kuwa na timu bora ya taifa kwa siku za usoni

Wakati mashindano hayo yakiendelea kuchukua kasi na hali ya ukata ikizidi kuyakabili, mbunge wa KIBAHA vijijini HAMOUD JUMA ambaye pia alikuwa shuhuda wa mapambano yaliyofanyika hii leo na kujionea hali halisi, ilimladhimu kujitolea kusaidia kufanikisha mashindano hayo ya bingwa wa Taifa

Mashindano hayo yaliyofunguliwa  na kamanda wa polisi wa kanda MAALUM YA DSM, SULEIMAN KOVA yanashirikisha jumla ya mabondia 133 ambapo tayari mapambano 23 yamewaka moto.