TBC HOI KWA JAMBO LEO KATIKA MPIRA WA MIGUU

                                               Timu ya netiboli ya NEW HABARI

                                               Timu ya netiboli ya MWANANCHI

                                              Timu ya mpira wa miguu ya TBC

 

Timu ya mpira wa miguu ya JAMBO LEO

                                                       Wachezaji wa TBC wakiwa katika mazoezi.

SOKA.

Michuano ya NSSF kwa vyombo vya Habari imeendelea katika uwanja wa SIGARA Jijini DSM ambapo katika mpira wa miguu timu ya TBC imeshindwa kutamba baada ya kuambulia kipigo cha magoli matatu kwa moja dhidi ya JAMBO LEO.

Katika mchezo huo timu ya TBC haikuweza kuonyesha mchezo safi kama mategemeo ya watu waliofika kushuhudia mchezo huo,lakini kilio cha kocha wa TBC MUSA MBAYA anaomba wachezaji wafike mazoezini ili aweze kuwaweka pamoja wachezaji na kupata timu safi ya kushindana.

JAMBO LEO waliweza kuonyesha mchezo safi na wakatumia makosa ya TBC kufunga magoli matatu ambayo mawili yalipatikana kipindi cha kwanza,Mwaka jana TBC na JAMBO LEO walikutana lakini TBC waliweza kuwatoa JAMBO LEO .

NETIBOLI.

Katika mchezo wa netiboli timu ya MWANANCHI imeibuka na ushindi wa magoli KUMI NA TANO kwa TANO dhidi ya NEW HABARI katika mchezo ambao hakuwa na mikiki kutokana na timu zote kuonyesha sheria hawazijui .

Lakini nahodha wa MWANANCHI amesema wachezaji wa timu nyingi na hata timu yake hawazijui sheria za netiboli hivyo kunaumuhimu wa makocha wao kukazania sheria za netiboli kabla ya kuingia uwanjani.